Қазақстан-Малайзия бизнес форумы өтті

Малайзияның «Рич энерджи» компаниясы Маңғыстау облысындағы мұнай-газ өңдеу саласына 2,4 млн доллар инвестиция құюға келісті.

Тиісті ақпарат бүгін елордада өткен Қазақстан-Малайзия бизнес форумында жария болды. Меморандумға Маңғыстау облысының әкімі Ералы Тоғжанов пен «Рич энерджи» компаниясының төрағасы Шахул Хамид Исмайл қол қойды.

Жалпы, қазіргі таңда Малай капиталымен Қазақстанда 8 кәсіпорын ашылған. Олардың дені мұнай-газ, білім беру және қызмет көрсету саласында жұмыс істейді. Соңғы екі жылда екі ел арасындағы алыс-беріс кеміген. Осыған қарамастан, алдағы уақытта серіктестікті өрістету көзделген.

Ғабит БӨКЕНБАЙ