Астана - Сирия келіссөздері үшін таптырмас алаң

Сирия келіссөздерін өткізуде Қазақстаннан асқан қолайлы ел жоқ. Себебі, Қазақ елі барлық тараптың басын бір жерге біріктіріп, кездесудің жоғары деңгейде өтуіне барынша жағдай жасап отыр. Мәскеу қаласында өткен жиын кезінде ресейлік сарапшылар осындай пікір білдірді.

Олардың ойынша, Сирия жөніндегі келіссөздердің 5-ші кезеңінде оның қатысушылары ортақ тоқтамға келе алмады. Оған бірінші кезекте, АҚШ пен Түркия тарапының өзгеше ұстанымы себеп болды.

Ал, басқосуды ұйымдастырған Қазақстан осы уақытқа дейінгі өз міндетін мүлтіксіз орындады. Сарапшылардың пікірінше, келешекте де Сирия проблемасын шешуде Астана алаңы үлкен рөл атқарады. 

Нұртас СОЛТАНҰЛЫ