Жаңалықтарды Telegram арнамыздан оқыңыз!Қызылорда қаласының тұрғыны, көпбалалы ана Назерке Қадырованың отбасы үш бөлмелі пәтерге ие болды. Бұл сүйінші сұрайтын жаңалық. Себебі, отбасындағы 10 адам осы уақытқа дейін құрқылтайдың ұясындай бір бөлмеде өмір сүрді. Оның үстіне, отбасындағы екі бүлдіршін науқас. Өмірдің қиыншылығын көрген отбасына жомарт жанның баспана сыйлағаны тосын жайт болды.
Қазақ радиосының тікелей эфирінде «Жан жылуы» бағдарламасына телефон соғып, мұң мұқтажы мен жүректегі шерін айтқан Назерке Қадырованың үні қайырымды азаматтың жүрегіне жетті. Жомарт жанды селт еткізді, шиеттей бала-шағасы үшін шырылдап жүрген ананы іздеп тапты, олар үшін арман болған баспананы сыйға тартты.
Ақерке БЕРІКБЕКҚЫЗЫ
