Мемлекет басшысы: Елімізде «Отандастар қоры» құрылуы қажет

Елімізде «Отандастар қоры» құрылуы қажет. Бұл туралы бүгін Дүниежүзі қазақтарының бесінші құрылтайында Президент Нұрсұлтан Назарбаев мәлімдеді. Мемлекет басшысының айтуынша, жаңа қордағы қаражат шеттегі және атамекенге қоныс аударған қандастарға көмек ретінде жұмсалады. Елбасы Қазақ елінің қалталы азаматтары мен халқын осы қордың көлемін кеңейтуге атсалысуға шақырды.

Сондай-ақ, бүгінгі жиында Президент атамекенге оралғысы келетін қандастармыз үшін ешқандай кедергі болмау керектігін айтты. Қағазбастылықты азайтып, ағайындарға барынша жағдай жасау қажет. Шеттегі қандастарымыз ана тілін ұмытпаулары үшін Президент Үкіметке оларды оқулықтармен, әдістемелік құралдармен қамтамасыз етуді тапсырды.