Қазақстан алдағы 5 жылдың ішінде әлемдегі дамыған отыз елдің қатарына енуі мүмкін

Мұндай болжамды Еуропаның Қазақстандағы бизнес қауымдастығының директоры Юлия Кусиди айтты. Бүгін Қазақстан Экономикалық ынтымақтастық және даму ұйымының халықаралық инвестиция және көпұлтты кәсіпорындар бойынша декларациясына ресми түрде қосылды. Біздің ел - бұл тізімге енген 48-ші мемлекет.

Жалпы, Елбасы Нұрсұлтан Назарбаев осыдан 5 жыл бұрын өркениетті елдердің отыздығына енуді Үкіметке міндет еткен. Жауапкершілігі мен жүзеге асырылуы өте күрделі, бірақ, мақсат-мұраты айқын бағдар. Жемісті келіссөздердің нәтижесінде бюрократиялық кедергілер азайып, бизнес ашу жеңілдеп, инвестициялық омбудсмен институты құрылды. Еуропалық меймандардың ойынша, Қазақстан инвесторлар үшін тартымды елдердің алдыңғы қатарында. 

Ғабит БӨКЕНБАЙ