Елімізде соңғы үш жылда террорлық қылмыс 5 есе өскен

Елімізде соңғы үш жылда діни экстремизм мен террорлық әрекетке қатысты қылмыстық көрсеткіш бес есе артқан. 2014 жылы 154 іс қозғалса, былтыр бұл көрсеткіш 554-ке жеткен. Бұл туралы Астанада өтіп жатқан арнайы форумда белгілі болды. Жаға ұстатар көрсеткішті төмендету үшін жиында сарапшылар өзара бірлесе жұмыс істеуге уағдаласты. Зерттеу бойынша еліміздің оңтүстігі мен батысындағы діни топтардың ықпалы күшті. Олардың арам ойы темір тордың арғы жағында да тарамас үшін тәртіп сақшыларымен қатар имамдар да жұмысқа белсенді кірісіп кеткен.

Қазір терроризмге тойтарыс болар түрлі амалдар қарастырылып жатыр. Бұл ретте Білім және ғылым министрлігімен бірлескен жоба әзірленуде. Жаңа бағдарлама екі жылдан кейін жүзеге аспақ.

Елдос САПАРҒАЛИ