Корей халқының Қиыр Шығыс пен Орталық Азияға күштеп көшірілгеніне биыл 80 жыл

Осыған орай Мәскеу қаласында ТМД елдерінен келген корей диаспоралары бас қосып, ғылыми-тәжірибелік конференция өткізді. Жиында 1937 жылы депортацияланған корейлердің тұрмысы мен тарихы жайлы баяндамалар жасалып, олардың қазіргі хал-ахуалы талқыланды. Жиында сөз алған меймандардың басым бөлігі, Орта Азия халықтарына, соның ішінде Қазақ еліне ерекше алғыс айтты. Себебі Қазақстандағы сауатты ұлтаралық саясаттың арқасында, түрлі ұлыстың өкілдері тату-тәтті өмір сүріп жатыр.

Бұл күнде елімізде шамамен 100 мыңнан аса корей бар. Олар қазіргі қазақ қоғамының толыққанды бір мүшесі ретінде түрлі салада табысты қызмет етіп жүр. 

Нұртас СОЛТАНҰЛЫ