Жаңалықтарды Telegram арнамыздан оқыңыз!Бірліктің болмауы әлемнің әртүрлі бөлігінде болып жатқан терроризм көріністерімен бірігіп күресуге кедергі келтіруде. Сенат төрағасы Қасым-Жомарт Тоқаев Астанада өткен Әлемдік және дәстүрлі діндер лидерлері съезінің XVI отырысында осылай деді. «Адами құндылықтардың құнсыздануы өте қауіпті», деді ол. Осы мақсатта конструктивті диалогты жалғастыра беру керектігін жеткізді. Отырыс барысында хатшылық басшысы Сенат спикері Қасым-Жомарт Тоқаев бірқатар дін басшыларын «Шапағат» медалімен марапаттады. Сондай-ақ, кейбір дін өкілдеріне Қазақстан Тәуелсіздігінің 25 жылдығына арналған мерекелік медаль табыстады. Ал, елордада VI дәстүрлі діндер съезі 2018 жылдың 10-11 қазанында өтетін болды.
Индира БЕГАЙДАР
