Астанадағы «АЛЖИР» лагерінде қуғын-сүргін құрбандарына арналған ескерткіш ашылды

Астана іргесіндегі «АЛЖИР» лагерінде саяси қуғын-сүргін құрбандарына арналған жаңа ескерткіш ашылды. Биіктігі үш метрге жуықтайтын қара тас өткен ғасырда осы лагерде жазасын өтеген армян әйелдерінің рухына арналған. «Халық жауы» атанған азаматтардың жұбайлары қамалған Ақмола лагерінде жалпы саны 20 мыңға жуық нәзік жандылар отырған. Олардың арасында сексенге тарта армян халқының өкілдері де бар. Өткенге тағзым етіп, бастама көтерген бұл елдің белсенділері «Хачкар» деп аталатын діни ескерткіш қойып, барша  қуғын-сүргін құрбандарын еске алды.

Елдос САПАРҒАЛИ