Жаңалықтарды Telegram арнамыздан оқыңыз!Ұлттық қауіпсіздік комитеті Шекара қызметінің Академиясында тапанша ұрлаған күдікті ұсталды. Оны аталған дерек бойынша тергеу жүргізіп жатқан жедел топ қолға түсірді. Ол аталған оқу орнының жүргізушісі болып қызмет атқарған. Оның тұрғылықты мекенжайын қарау кезінде ұрланған тапаншалардың барлығы табылды.
Естеріңізге сала кетейік, алты күн бұрын Академияның атыс жаттығуы кезінде 10 «Макаров» тапаншасы жоғалған болатын. Аталған дерек сотқа дейінгі тергеп-тексерудің бірыңғай тізіміне тіркеліп, іс қозғалған.
Оңғар АЛПЫСБАЙҰЛЫ
