Павлодарда «Бала асырап алайық!» атты арнайы акция басталды

«Бала асырап алайық!» Павлодарда осындай атаумен арнайы акция басталды. Қуантарлығы - соңғы жылдары өңірде тастанды сәбилер саны едәуір азайып, былтыр 4 бірдей мекеме жабылған.

Жыл басында 44 бала әке-шешесі түзу жолға түскен соң отбасына кері қайтарылды. Ал, былтыр180-нен астам жеткіншек қорғаншылық қамқорлыққа, патронаттық тәрбиеге берілді. Осылайша, жәутең көздер азайып, бейкүнә балақайларға  жан жылуын сыйлаған  ізгі жандардың қатары  көбейіп келеді.

Болат АМАНБАЕВ