Шымкентте диаметрі 3 сантиметрге дейін жететін бұршақты жауын жауды

Кеше Шымкентте ауа райы күрт бұзылып, жаңбыр соңы бұршаққа ұласты. Ал, таң ата күн күркіреп, найзағай ойнады. Тұрғындардың айтуынша, бұршақты жауын шамамен 10 минуттай жауған. «Ең үлкен бұршақтардың диаметрі 3 сантиметрге дейін жетеді», - дейді олар. Жалпы Қазгидромет 11-13 мамыр аралығында атмосфералық фронттардың өтуіне байланысты Қазақстанның басым бөлігінде тұрақсыз ауа райы сақталады, кей жерлерінде жаңбыр жауады желдің күшеюі күтіледі деген болжам жасап отыр. Солтүстік Қазақстан облысында түнде басым бөлігінде желдің жылдамдығы секундына 15-20 метр, екпіні секундына 23-28 метр болады.

Ғани ҚАЛМАХАН