Жаңалықтарды Telegram арнамыздан оқыңыз!Былтыр Президенттік тест тапсырған 5 миллион адамның тек 70 мыңы сынақтан өткен. Көптеген спортшылар, оның ішінде кәсіби спортшылар Президенттік тестілеу өте қиын екенін айтуда. Сенат депутаты Дариға Назарбаева осылай деді. Оның айтуынша, депутаттар тестілеуді дәрежесіне қарай түрлі санатқа бөлу туралы бірнеше рет ұсыныс көтерген. Бұл қадам адамдардың спорттан алшақтамауына, аталған тестілеу алдында үрей туғызбас үшін қажет. Сенаттың жалпы отырысында дене тәрбиесі және спорт мәселелері бойынша өзгертулер енгізу туралы заң жобасы екінші оқылымда қабылданды. Спорт саласындағы өзекті мәселелерді көтерген жоғары палата депутаты мектептерде спортқа баулу сабақтарында біркелкілік жоқ екеніне назар аударды
Индира БЕГАЙДАР
