Ақтаулық көпбалалы ана бес жасар қызының емі үшін жанкешітілікпен еңбек етіп жүр

Назеркенің денесі жиі құрысып қалады. Өрімдей қыз 4 айлығынан бері тағдырдың тауқыметін тартып келеді. Бала жүрек қиналысын көрсеткісі-ақ келмейді, бірақ, ауруына жанына батқанда шыдамы түгесіледі.

«Сап-сау дүниеге келген бала екпеден кейін сал болып қалды», дейді анасы. Ауруханада 18 күн ес-түзсіз жатқан. Кейін көзін ашқанда мамандар «ми жасушасы кеуіп кеткен, үміт жоқ», деп кесіп айтыпты. Бірақ, дәрігерлердің бұл шешіміне анасының мойынсұнғысы жоқ. Назеркені аяғынан тік тұрғызу үшін жарғақ құлағы жастықа тимей, қиындыққа төтеп беріп келеді. 

Нысаналы ЫҒЫЛ