Павлодарда жылу құбыры жарылып, кітапхананың 2500  кітабы жарамсыз болып қалды

С.Торайғыров атындағы Павлодар облыстық кітапханасының қоры бір түнде 2500  кітапқа кеміді. Себебі, жылу радиаторы жарылып, айналаға су жайылған. Әбден дымқылданған кітаптарды көтере алмаған сөрелер жерге құлаған, сөйтіп судың астында қалады.

Дәл осы сәтте бөгде дыбысты естіген кітапхана күзетшісі бірден жылу жүйесіндегі суды тоқтатып, кітаптарды құрғақ жерге көшіре бастайды.

Соның нәтижесінде біраз оқулықтар сақталып қалды. Қазір қаншалықты зақым келгені есептеліп жатыр. Алдын ала мәліметке қарағанда кітапхана қорындағы құны 2 млн теңгеге жуық кітаптар жарамсыз болып қалған. 

Болат АМАНБАЕВ