Қарағандыда «жалған терроризм» үшін сотталған мұғалім Юрий Пактың ісі қайта тексеруге жіберіледі

Облыстық соттың қылмыстық істер жөніндегі апелляциялық алқасы осындай қаулы шығарды.

Еске салсақ, 2015 жылы сәуірде Юрий Пактың ұялы телефонынан 102 нөміріне «орталық әмбебап дүкенге бомба қойылды» деп хабарлама түседі.

Оқытушы Қылмыстық кодекстің 273-ші, яғни «Террористік акт туралы көрнеу хабарлау» бабымен айыпталып, 2 жылға сотталды. Тергеу барысында алматылық сарапшылар аудиожазбаның Пакқа тиесілі екенін анықтаған.

Алайда, бүгінгі сотта қорғаушы Сергей Ким хабар берген адамның дауысы Юрий Пактікі еместігін айтты. Ресейдің Ростов қаласындағы сот сараптамаларының орталығы аудиожазбаны зерттеп, осындай шешім шығарған көрінеді.

Руслан НҰРЛАНҰЛЫ