Жаңалықтарды Telegram арнамыздан оқыңыз!Оңтүстіктен солтүстік және шығыс аймақтарға түпкілікті көшетіндердің баспана жалдауына субсидия бөлінбек. Яғни, пәтерақысы өтеледі. Жұмыспен қамтудың жаңа бағдарламасына сәйкес, енді тұрғын үй салынбайды.
Отбасындағы адам санына байланысты 34 мыңнан бастап 68 мың теңгеге дейін қаржы беру жоспарлануда.
Бұл туралы бүгін Еңбек және халықты әлеуметтік қорғау министрі Тамара Дүйсенова айтты. Министр арнайы мемлекеттік бағдарлама іске асқаннан бері оңтүстіктен Солтүстік Қазақстан, Қостанай, Павлодар облыстарына 19 мың адам көшкенін жеткізді.
Қоныс аударғандар қызметтік пәтерлер мен жатақхана бөлмелерімен қамтамасыз етілген. Барлығы тұрақты жұмысқа орналасқан.
Жазира ДОСМАҒАНБЕТ
