Семейде ойыншық саудасымен айналысатын кәсіпкер 95 рет айыппұл төледі

Ойыншықтар саудасымен айналысатын Семей қаласының тұрғыны елге импорттаған тауарларын сертификаттамағаны үшін жазаланған. Заңды белшесінен басқан кәсіпкерді Мемлекеттік кірістер департаментінің өкілдері соңғы 2 жыл бойы әкімшілік жауапкершілікке тартып келеді.

Аталған мекеме қызметкерлерінің айтуынша, тауардың қауіпсіздігі туралы техникалық тәртіп 2011 жылы күшіне енген. Осы құжатқа сәйкес, сыртқы экономикалық қызметке қатысушы тауардың сапасы туралы сертификатын көрсетуі тиіс. Егерде, кедендік рәсімдеу кезінде бұл қағаз болмай қалған жағдайда, тауарлар шартты түрде шығарылады.

Яғни, кеден органдарына аталған сертификатты әкелмейінше, бұл тауарларды сатуға рұқсат жоқ. Алайда, семейлік тұрғын соңғы 2 жылдан бері бұл міндеттемені орындамаған. Тексеру барысында оның сертификаты жоқ ойыншықтарды сатып жібергені анықталған.