Алматыда жемқорлыққа қарсы мобильді топ мүшелері іске кірісті

«Сыбайлас жемқорлықпен күрес - баршаға ортақ міндет». Президент Жолдауынан туындайтын бесінші басымдықты іске асыру үшін Алматыда құрылған арнайы мобильді топ мүшелері осылай деді.

Олар қала ішінде автобуспен жүріп, халықтың талап-арызын қабылдауға кірісті. Мәселен, былтыр Сенім телефонына мегаполис тұрғындарынан 12 мың рет қоңырау шалынған.

Оның 140-ы хабарлама түрінде түскен. «Арыз-шағымның 70 пайызы қаралып, тиісті шаралар қолданылды», дейді мамандар.