Алматы қалалық Статистика басқармасы жаңа электронды жобаны іске қосты

Енді, шаһардағы статистикалық нысандарды тіркеу онлайн жүйесі арқылы жүргізіледі. Бұл кадрлардың жұмысын жеңілдетіп, респонденттерге тиімді болады. Өйткені, бұрын олар айлық, тоқсандық әрі жылдық есептерін жинақтап көрсету үшін аталған мекемеге бір жылда бірнеше рет келіп кезек күтетін.

«Бұдан былай мұның бәрі келмеске кетті», дейді мамандар. Жүйе уақытты үнемдеп, қағазбастылықтан арылтып, арифметикалық-логикалық бақылау жасауға мүмкіндік береді.