Нью-Йоркте ғимарат құлап, 2 адам қаза тапты

Нью-Йорктің Бруклин ауданында үш қабатты ғимарат құлап, 2 адам қаза тапты. 17 адам жараланған. Олардың жетеуі – бала. Зардап шеккен төрт адамның жағдайы ауыр. Құлаған ғимарат құрылыс алаңында орналасқан. Апат болған сәтте оқиға орнында қазба жұмыстары жүріп жатқан. Үйінді астында адамдар қалып қоюы мүмкін. Іздеу-құтқару жұмыстары жалғасып жатыр.  Оған төтенше жағдайлар қызметінің мамандары, кинологтар мен дрондар тартылған.