СОР31-ДЕ Қазақстанның экологиялық бастамалары таныстырылды

Қазақстан жаңартылатын энергия көздерін дамытып, экологиялық жобаларға 1,2 миллиард доллар инвестиция тартпақ. Бұл туралы Премьер-министр Олжас Бектенов Түркияның Анталия қаласында өткен COP31 саммитінде мәлімдеді. Мемлекет басшысының тапсырмасымен жиынға қатысқан Үкімет басшысы «Таза Қазақстан» бастамасының нәтижелерін атап өтті. Бүгінде экологиялық қозғалысқа 6 миллионнан астам азамат қатысады. Соңғы бес жылда ел бойынша 1,7 миллиард ағаш отырғызылған. Сонымен қатар Қазақстан 2030 жылға қарай жаңартылатын энергия үлесін 15 пайызға жеткізуді көздеп отыр. Саммит аясында жалпы құны 1,2 миллиард доллар болатын келісімдерге қол қойылды.