100 мыңға жуық азамат банкрот деп танылды

Елімізде 100 мыңға жуық азамат банкрот деп танылды. Олардың жалпы қарызы 373 миллиард теңгеден асады. Мемлекеттік кірістер комитетінің мәліметінше, банкроттық рәсімінен 98,6 мың адам өткен. Тағы 23 мыңнан астам азаматтың өтініші бойынша жұмыс жүріп жатыр. Олардың қарызы 134,5 миллиард теңге. Айта кетейік, банкрот мәртебесін алған азаматтар бес жыл бойы несие мен микрокредит ала алмайды. Ал банкроттық рәсімін қайта қолдануға жеті жылдан кейін ғана рұқсат етіледі.