Талдықорғанда автоеріктілер жобасы қолға алынды

Жоба аясында әртүрлі топтағы мүмкіндігі шектеулі азаматтарды жүргізушілер қала ішінде қалаған жеріне жеткізіп беруге уағдаласты.

«Асар» мүмкіндігі шектеулі жандарға арналған жаттығу залының жетекшісі Елдос Баялышбаевтың бастамасын жергілікті билік те қолдап кетті. Қазірдің өзінде көлігі бар 30-ға жуық талдықорғандық тіркелді. Олардың қатарында такси жүргізушісі де, облыс әкімінің орынбасары да бар. Жастарға қызмет көрсету орталығында арнайы диспетчерлік пункт ашылды.

Қуаныш ҚАНАТҰЛЫ