ШҚО-дағы тікұшақ құлаған аумаққа арнайы техника жетті

Шығыс Қазақстан облысында құлаған тікұшақтың апатқа ұшырауының себеп-салдары әлі анықталған жоқ. Облыстық Төтенше жағдайлар департаменті таратқан мәлімет бойынша, құзырлы орган қызметкерлерінен арнайы комиссия құрылған. Қазір жұмыс істеп жатыр.

Әуе көлігі апатқа ұшыраған жер Аягөз қаласынан небары 60 шақырымда болса да, жолдың жоқтығы мен ауа райының қолайсыздығы құтқарушыларға қиындық тудыруда.