Маңғыстаудағы Отпан тауда «Сонар-2017» құсбегілер жарысы өтті

Қыран баптау қанында бар қазақ биыл тағы бас қосты. Бұл жолы саятшылық өнердің қыр-сырын көрсету үшін Маңғыстаудағы Отпан тау таңдалған. «Сонар-2017» құсбегілер жарысы жазық далалы, жартасты аймақта өтті.

Сайысқа 8 өңір мен Астанадан 38 саятшы қатысты. Ұлттық спортты ұйымдастырушылар жарысқа тыңғылықты дайындалған. «Әрбір түбектен 7 құсбегінің қатысуы қуанарлық жайт»,-дейді.