Ұлттық медиаторлар қауымдастығын құру ұсынылды

Қазақстан халқы Ассамблеясы жанынан Ұлттық медиаторлар қауымдастығы құру, оның алғашқы съезін өткізу. Бүгін елордада «Қоғамдық келісімді қамтамасыз етудегі медиация институтының рөлі» атты халықаралық форумда осындай ұсыныс айтылды.

Ассамблея ұйымдастырған шарада медиация институтын дамытуға бағытталған маңызды бастамалар көтерілді. Оның ішінде Ассамблея жанынан сарапшы медиатор мен практик медиаторлар дайындайтын республикалық дәріс оқу орталығын ашу, сондай-ақ, медиаторлардың құқықтық статусын арттыратын заң жобаларын әзірлеу мәселесі айтылды.