Ауылдағы кәсіпкерлерге жеңілдетілген несие алу қиын

Бизнеспен шұғылдануға қалалықтарға қарағанда ауыл тұрғындары құштар. Мәселен, ресми тіркелген жеке кәсіпкерлердің 726 мыңы ауылдық жерлерде жұмыс істесе, 564 мыңы - қалада. Жалпы, үлкен шахар тұрғындарының 15,4 пайызы ғана өзін өзі жұмыспен қамтып отырғандар. Өзгесі жалдамалы қызметте.

Ал, еңбекке жарамды ауылдықтардың 39 пайызы нәпақасын жеке кәсібінен табады. Осындай көрсеткішке ие бола тұрып, ауылдықтарға жеңілдетілген несие алу оңай болмай тұр. Банктердің кредиттік портфолиоларында ауылдағы шағын және орта бизнеске арналған жеке несие түрі жоқ. Кәсіпкерлердің бар үміті тек үшінші жаңғырту бағдарламасында болып отыр.

Оңғар АЛПЫСБАЙ