Жұмыссыздарды жаңа талапқа сай мамандыққа үйрету қолға алынады

Елімізде жұмыссыздар саны 435 000-дай. Бірақ, өткен жыл қорытындысы бойынша 26 000 жұмыс орнына маман табылмаған. Осыған орай, енді жұмыссыздарды жаңа талапқа сай мамандыққа үйрету қолға алынады. Бұл туралы бүгін Еңбек және әлеуметтік қорғау министрі Тамара Дүйсенова хабарлады.

Өткен жылға қорытынды жасап, алдағы жоспарларымен бөліскен министр еңбек нарығын, зейнетақы жүйесін және әлеуметтік қызмет көрсетуді жаңғырту керектігін айтты.