Құжатта бар, санатта жоқ ауыл

Алматы мен Талдықорған тасжолының бойында «Жаңа Арна» деген елді мекенге қарасты 9-шы бөлімше деп аталатын ауыл орналасқан. Әлеуметтік нысандары мен ауызсу жайы өз алдына бөлек әңгіме.

Ең қиыны - тұрғындар Алматы облысының қай ауданына қарайтындарын білмейді. Құжаттарын әзірлеу үшін Іле ауданына барса, Талғар ауданына жөнелтеді. Талғарлықтар Ілеге кері қайтарады. Енді ауыл азаматтары әрі-сәрі күйде қалып отыр. Алматыдан 45 шақырымдық жерде отырса да, базыналарын кімге айтарын білмеген тұрғындар біздің арнаға хабарласты.