Қызылорда облысындағы мемлекеттік органдарда 175 бос орын бар

Бұл туралы бүгін облыстық департамент басшысы Абзал Мұхимов мәлімдеді. Оның айтуынша, көрсеткіш өткен жылғымен салыстырғанда 5,3 пайызға төмендеген.

Сондай-ақ, мемлекеттік қызмет көрсету сапасы жоғарылап, лауазымдық орындағы жастардың үлесі артқан. Облыста сыбайлас жемқорлыққа қарсы іс-шаралар күшейтіліп, талдау жұмыстары жүргізілген. Нәтижесінде парақорлықтың алдын алу мақсатында жалпы 59 ұсыным енгізіліп, бүгінде оның 42-сі орындалды.