Ішкі істер министрлігі уақытша тiркеуге қатысты айыппұл көлемiн әртүрлi таратқан

Сенат депутаты Серік Бектұрғанов Премьер-Министрдің атына депутаттық сауал жолдады.

Ішкі істер министрлігі уақытша тiркеуге қатысты айыппұл көлемiн әртүрлi етiп таратқан. Сенат депутаты Серік Бектұрғанов Премьер-Министрдің атына депутаттық сауал жолдады.

Оның айтуынша, талдау нәтижесiнде Ішкi iстер министрлiгi Көшi-қон полициясы мен оның бөлiмшелерi таратқан ақпарат әртүрлi екендiгi анықталған. Олар тiркелу мерзiмi, азаматтар iс-әрекеттерiнiң тәртiбi, iшкi көшi-қонды бақылау бойынша мiндеттердi орындау кезiндегi полицейлердiң құқықтары туралы дұрыс түсiндiрмеген.

Тiптi айыппұл сомаларын да әртүрлi етiп берген. Халыққа қызмет көрсету орталықтары да бұған дайын болмаған.

Индира БЕГАЙДАР