«Самұрық-Қазына» мен ҚТЖ басшылары ұсталды

Астанада екі ірі ұлттық компанияның басшылары уақытша тергеу изоляторына қамалды. «Самұрық-Қазына» басқарма төрағасы  Нұрлан Жақыпов пен «Қазақстан темір жолы» Ұлттық компаниясының» басқарма төрағасы  Ерлан Отыншиев және сыбайлас жемқорлық қылмысын жасады деген күдікке ілінген өзге де тұлғалар ұсталды. Бұл туралы Ұлттық қауіпсіздік комитеті хабарлады. Қазіргі уақытта істің барлық мән-жайын анықтауға бағытталған тергеу амалдары жүргізіліп жатыр. Сыбайлас жемқорлыққа қарсы іс-қимыл қызметі Мемлекет басшысының тапсырмаларын орындау және «Заң мен тәртіп» қағидатын сақтау аясында сыбайлас жемқорлыққа қарсы күрес жұмыстары жалғасатынын мәлімдеді.