«Астана процесінен» 400-ге жуық шетелдік тілші хабар таратуда

Сирия дағдарысына қатысты өтіп жатқан «Астана процесінің» нәтижесін күллі әлем демін ішіне тартып күтіп отыр. Оны Астанаға келген шетелдік ақпарат құралдарының көптігінен байқауға болады.

«Қазмедиа» ғимаратында жұмыс істеп тұрған баспасөз орталығында осы күні 25 мемлекеттен журналистер келді. Сирия, Түркия, Ресей және өзге Араб және Еуропа елдерінің өкілдері бар. Олардың еркін жұмыс істеуі үшін барлық жағдай жасалған.