Шығыста күн райы күрт бұзылды

Шығыста да күн райы күрт бұзылды. Кешелі бері өңірдегі солтүстік және батыс аудандарда жаңбыр жауып тұр. Қатонқарағай, Үлкен-Нарын, Алтай және Риддер сияқты таулы аймақтар әлі ашық. Әдетте бұл өлкелерде тамыздың соңында, қыркүйекте алғашқы қар түсетін. Ал «Қазгидромет» орталығы өткен түнде басталған жаңбырдың соңы таулы аумақтарда қарға ұласатынын хабарлады. Өйткені шығыста осы  апта бойы жауын болуы мүмкін деген болжам бар. Бірақ күн райы қатты суытпайды. Қазан айында да қоңыр күз болады.