Ұлттық арна журналисі Индира Бектенованың 2016 жылы жасаған материалдарына шолу

«Тілшілік, тіршілік...» айдары - ақпарат аламанындағы Ұлттық арна журналистері мен телеоператорларының жыл бойы жасаған, өздерінің есінде қалған елеулі дүниелерін елеп-екшеп баяндайтын айдар.

Біздің Индира Бектенова – «Спорт деген - бір сиқыр» дейтін болсақ, сол сиқырлы әлемнің соңғы жаңалықтарын сіздерге «буы бұрқыраған» күйде ерінбей, жалықпай, креативті бағытта ұсынатын әріптес. Ұлттық арна мен «Kazsport»-та қатар еңбек ететін шолушымыз спортқа кездейсоқ келген жоқ. Өзі шотокан каратэ-додан 1-ші қара белбеу иегері, Қазақстанның абсолюттік кубок иегері.