Өскеменнің шетіндегі бірнеше шағын ауданның мыңдаған тұрғыны ауруханаға зәру

Өскемендегі Жыланды, Үлбі және Күленов атындағы ықшам аудандардың мыңдаған тұрғыны дәрігерге қаралудың машақатын тартып отыр. Осыдан 10 жыл бұрын істеп тұрған амбулатория жабылып, жергілікті жұрт басқа жерге барып емделуге мәжбүр болған.
Алайда, одан бері халық саны өсіп, мөлтек аудандардың аумағы едәуір кеңейген. Енді бұл емхана да тұрғындардың барлығына бірдей сапалы қызмет көрсетуге қауқарсыз.