Елордада Ұлттық ұланның фототілшісі Вячеслав Гельбингтің фотокөрмесі өтті

Тәуелсіз қазақ елінің армиясы қалай жасақталды? Күні бүгінге дейін оның қарым-қуаты қаншалықты өсті? Бұл сұрақтарға Ұлттық мұражайда өтіп жатқан фотокөрмеден жауап алуға болады.

Бүгін Ұлттық ұланның фототілшісі Вячеслав Гельбинг 25 жыл бойғы еңбегін жария етіп, көрме өткізді. Сөредегі суреттерде Ішкі әскердің ел тыныштығын қорғаудағы ерен еңбектері, әскери өмірдің қиын да, қызыққа толы сәттері бейнеленген.