Батыс Қазақстан облысында елді мекендердің су мәселесі шешілмеген

Батыс Қазақстан облысында елді мекендердің 64 пайызы өзен-көлдер мен құдықтардан су ішіп отыр. Тек 36 пайызы орталықтанған су желісіне қосылған. Өңірдегі өткір мәселені мәслихат депутаттары алдындағы есебінде облыс әкімі Алтай Көлгінов көтерді. Әсіресе, жері құмды келетін Бөкей ордасы, Қазталов, Жаңа қала сияқты аудандарда бірнеше жылдан бері түйткілдің түйіні тарқамай келеді.