Таразда Халық қаһарманы Ғазиз Байтасовты еске алуға арналған шара өтті

Таразда Халық қаһарманы Ғазиз Байтасовты еске алуға арналған шара өтті. Полиция капитаны қызмет бабында жүріп 2011 жылы 11 қарашада болған лаңкестік оқиғада, жанқиярлықпен қаза тапқан болатын. Онда Байтасовпен бірге полиция сержанттары Болат Аянқұлов пен Жақсылық Байсейітов те қызметтік борышын орындау кезінде оққа ұшты.
«Олардың көзсіз ерлігі мен қызметтік борышы, адалдығы ешқашан ұмытылмайды»,- дейді еске алу кешіне жиылған жұрт.