Серік Қараманов Павлодар облысының прокуроры болып тағайындалды

ҚР Бас прокуроры Жақып Асановтың 2016 жылғы 10 маусымдағы №132/6 бұйрығымен Қазақстан Республикасы Президентінің келісімімен 3-ші дәрежелі мемлекеттік әділет кеңесшісі Қараманов Серік Сәдуақасұлы Павлодар облысының прокуроры болып тағайындалды.

1955 жылдың 25 қазанында Қызылорда облысы, Қызылорда қаласында дүниеге келді. Аға әділет кеңесшісі. С.М.Киров атындағы ҚазМУ-ң заң факультетін тамәмдаған (1979 ж).

Еңбек жолы 1979 жылы Алматы қаласы Ленин ауданы прокуратурасының тергеушісінен басталған.

1984-1986 жылдары - Алматы қаласы Октябрь ауданы прокурорының орынбасары. 1986-1991 жылдары - Алматы қаласы Алатау ауданының прокуроры. 1991-1995 жылдары - Алматы қаласы прокурорының орынбасары,

1995-1998 жылдары - Жамбыл облысының прокуроры,

1998-2001 жылдары - Қазақстан Республикасы Бас прокуратураның Азаматтық, әкімшілік, шаруашылық істер және атқарушылық өндіріс бойынша сот қаулыларын қадағалау департаментінің басшысы,

2001-2004 жылдары - Шығыс Қазақстан облысы прокурорының орынбасары,

2004-2005 жылдары - Қазақстан Республикасы Бас прокуратураның Қылмыстық істерді сотта қаралуын қадағалау бойынша департамент бастығы,

2005-2007 жылдары - Қарағанды облысының прокуроры,

2007-2008 жылдары - Қазақстан Республикасы Бас прокуратураның арнайы прокурорлар басқармасының басшысы,

2008-2009 жылдары - Астана қаласы прокурорының орынбасары,

2009-2010 жылдары - Астана қаласы прокурорының бірінші орынбасары,

09.12.2010 - 06.09.2012 жылға дейін - Қазақстан Республикасы Бас прокуратураның Арнайы прокурорлар департаментінің басшысы, 2012 жылдың қыркүйек айынан бастап, Батыс Қазақстан облысының прокуроры қызметін атқарды.