Айдар Тұрғанбек шай шығаруды қолға алды

«Жігіттер» квартетінің мүшесі Айдар Тұрғанбек енді шай шығарумен айналысатын болады. Бұл туралы Айдар Тұрғанбектің өзі инстаграм парақшасында жариялады, деп жазады baistars.kz.

Әншінің сөзіне сенсек, өзінің әншілік өнерімен қоса кәсіпкерлік жұмысын бастап, бірге алып жүрмекші. Ол алдағы уақыттарға жоспарлары бар екенін және жетістіктікке жететіндеріне кәміл сенімді екендерін айтты.

«Сіздермен жақсы жаңалығымды бөліскелі отырмын. Жақын арада еліміздің әр сауда орындарында «Айдар» шайы сатылымға шығады. Өнермен бірге қатар алып жүретін бұл менің жеке кәсібім. Бұйыртса бұл салада да біраз жетістікке жетсек деген жоспар бар. Кәсіпкерлік сапарыма сәттілік тілеп қойсаңыздар, қуанып қалар едім», - деп жазды Айдар әлеуметтік парақшада.