Елімізде ескі көліктерді жою бекеттері ашылмақ

Инвестициялар және даму министрлігі мен қазақстандық автокөлік шығарушы компаниялардың басшылары бірлесіп, ескі көліктерді жоюдың тың жобасын түзді.

Осы жылдың шілде мен желтоқсан айлары аралығында, тозған көлігін жою мекемесіне барып өткізген кісіге арнайы сертификат берілмек. Компенсациялық құжат - экологиялық тазалығы 4-ші санатқа жататын жаңа көлікті жеңілдікпен сатып алуға мүмкіндік береді.