«ЭКСПО-2017» көрмесі әлем назарында

Дүниежүзіндегі баламалы энергия көздерін зерттеуге және дайындауға тартылатын инвестиция былтыр 380 миллиард долларға жеткен. Осылайша, соңғы 10 жылда бұл секторға салынған салым 4 есеге өскен.

Ал Қазақстанның аталған нарыққа өтуі үшін, келер жылы Астанада өтетін «ЭКСПО-2017» халықаралық көрмесінің маңызы ерекше болмақ. Қазір әлемнің алпауыт елдері энергия үнемдеуші технологияны дамытуды қолға алған. Оның ішінде жасыл технологиялар кеңінен қолданылуда.

Соңғы 10 жылда жаңартылған энергия көздерін (ЖЭК) дайындауға және зерттеуге тартылған жаһандық инвестиция – 3 триллион долларға жеткен. Дүниежүзі бойынша 2005 жылы бұл секторға 99 млрд доллар тартылса, былтыр 380 млрд. долларға жеткен. 2012-2013 жылдары жаңартылған энергия көздеріне тартылған инвестиция азайғанымен, соңғы екі жылда өсім байқалады.

Жаңартылған энергия көздерін зерттеуге және дайындауға қызығып отырған әлемнің көшбасшы елдері «Болашақтың энергиясы» деп аталатын көрмеге қатысатындықтарын мәлімдеді.