Анталияға барған дүниежүзі тоғызқұмалақ қауымдастығының өкілдері ұлттық ойынды түріктерге үйретіп жатыр

Түркиялық ұстаздар бір мезет шәкірттерге айналды. Екі күн бойы олар тоғызқұмалақ ойнаудан дәріс алып, ойынның айла-тәсілдерімен танысады. Кейін игерген ілімімен өзге өлкелердегі әріптестерімен бөліседі. Сөйтіп, қазақтың тоғызқұмалағы Анадолы жерінің түкпір-түкпіріне тарайды.

Ұлттық ойынымызға Түркия ғана емес, Еуропа елдері де қызығушылық таныта бастады. Биыл алғаш рет өтіп жатқан семинарға тек Швеция қатысты. Алдағы жылдары игі іс-шараның ауқымы кеңейіп, мемлекеттер саны да көбейе түспек. Осылайша, төрт ғасырлық тарихы бар тоғызқұмалағымыз дүниенің төрт бұрышына тарамақ.

Бақытжан ОМАР