Әлібек Асқаров: Жер кодексінің кей баптарына мораторий жариялау – дер кезінде қабылданған шешім

Жер кодексіндегі өзгерістер елімізге не үшін қажет екенін тұтас елге, әсіресе, шалғай ауылдардағы тұрғындарға жіті түсіндіру қажет. Жұртшылықпен кездесіп, заңның әр бабын ашық талқыласа, халық тарапынан түсінбеушілік болмайды. Бұл міндеттердің барлығы енді Үкімет жанынан құрылатын комиссияға жүктеліп отыр. Оны вице-премьер Бақытжан Сағынтаев басқарады. Комиссия жыл аяғына дейін қоғамдық резонанс тудырған даулы мәселелерді халық арасында кеңінен талқылап, Үкіметке нақты ұсыныстар енгізуі керек.