Елордалық полицей Жаннат Набиуллин құдыққа түсіп кеткен қария мен немересін алып шықты

Қиындыққа тап болған жандарға жедел көмек көрсету әскерилердің қызметі мен міндеті ғана емес, әдеті де болса керек. Олар жұмыстан тыс уақытта да азаматтарға жәрдемдесіп жүреді. Әсіресе, қауіп-қатері басым оқыс оқиғалардың ортасынан табылады.

Астана қаласы Сарыарқа аудандық ІІБ тергеушісі Жаннат Набиуллин құдыққа түсіп кеткен қария мен немересін алып шықты.

«Құдық терең, қап-қараңғы. Адам өздігімен шыға алмайды. Сол себепті болар ешкімнің түскісі жоқ. Ал, мен ойланбастан төменге түстім. Бұл - менің полицейлік міндетім ғана емес, азаматтық парызым», дейді ол.

Азамат НҰҒЫМАНОВ