Әсемгүл Жарманова: «Шын жүректен» қайырымдылық телемарафонына алғысым шексіз

«Қазақстан» Ұлттық арнасы ұйымдастырған «Шын жүректен» қайырымдылық телемарафоны арқылы көмек көрсету әлі де жалғасуда.

Ақмолалық көпбалалы ана Әсемгүл Жармановаға астаналық жеке кәсіпкер тоңазытқыш алып берді.

Әсемгүл Жарманова - 6 баланы асырап отырған жалғызілікті ана. Жұбайы 10 жыл бұрын өмірден өткен. Оның үстіне, ІІ топтағы мүгедек.

Қиын жағдайын жазып, хат жолдаған ол жомарт жандардың көмегіне үміттенді. Енді міне, үміті ақталып, тұрмыстық техникаға қол жеткізді.


Ермек ЕЛБЕРГЕН