Кішкентай батырлар Отан қорғаушыларды мерекелерімен құттықтады

Отан қорғаушылар күні қарсаңында елордалық №54 «Нұрай» балабақшасының тәрбиеленушілері айрықша келбетті болды. Үйреншікті ойыншықтарын армиялық атрибуттарға ауыстырып, олар «Мерекелеріңізбен, қымбатты ер азаматтар!» ролигінің түсіріліміне қатысып, керемет құттықтау дайындады.

Роликтің желісі әскери казарма өміріне мейілінше ұқсас жағдайда өтеді. Титтей ғана сарбаздар әскерилерге үйреншікті жұмысты орындайды. Біреуі қарауылдың кейпінде, екіншісі автоматты тазартуда, үшіншісі гитарада армиялық әуенді ойнауда.
«7 мамыр – барша ерлерге арналатын керемет мейрам. Ата-аналар да қалыс қалған жоқ, - дейді балалар. Бұл мереке әкемізді одан да бақыттырақ етуге тамаша себеп».