Ауыл шаруашылығы жерлерін сатып алушыларға жасалатын жеңілдіктер

Азаматтарымыздың сол жерлерді барынша тиімді пайдалануын заңнамалық тұрғыдан қамтамасыз ету үшін Парламент былтыр Жер Кодексіне өзгерістер мен толықтырулар енгізген болатын.

Қазақстанда жалпы жер қоры 261,1 млн гектар. Оның 100,8 млн-ы ауыл шаруашылығы мақсатына пайдаланылады. Ал 100,1 млн-ы мемлекет қорында. яғни игеру кейінге қалдырылған. Сондай-ақ, су ресурстары, өндірістік, қорғаныс өзге де мақсатта қолданылатын, табиғаты ерекше қорғалатын жерлер 60 млн гектар аумақты алады.